طريقه عمل المندي مع الصور ادخل الان

المقادير
حبه دجاجة
اربع كاسات رز ابو كاس طويل الحبه
بصله مقطعة جوانح
نص كوب زيت
مكعب ماجي مذوب في نص كوب ماء ساخن

(بهارات الرز)
ملقة اكل كمون حب وزيها كزبره
هيل حب
مسمار حب
قرفه
ملح حسب الذوق
نص ملعقة صغيرة معزز نكهة
حبتين ليمون ناشف
ثلاث حبات فلفل اخضر حار

(بهارات الدجاجه)
ربع كوب زيت
ملعقتين اكل كركم
ملعقة اكل كمون وزيها ملح
ملعقة صغيره فلفل اسود وزيها فلفل احمر وزيها معزز نكهة
عصير ليمونه
نص ملعقه صغيره ملح ليمون

(الطريقه)
نظفو الدجاجه زي الناس واقسموها نصين وبعدين اخلطو بهاراتها المذكوره فوق ونقعو الدجاجه فيها << موشرط وقت معين بس كل ما طولت كانت اطعم
بعدين ولعو الفرن على اعلى شي
جيبو قدر واطي يعني زي الصينية المرتفعه وحطو فيه الرز بعد ما تكونو غسلتوه ونقعتوه تمام وحطو الزيت والماجي المذوب في المويه والبهارات حقت الرز اللي ذكرناها فوق ولا تنسو الفلفل لانه يقول ما يبغى يتصور معاهم عشان هوه يقول صوره شكلها يضحك

وبعدين خذو ورقتين قصدير على قد القدر وغطو القدر فيها زين وجيبو شوكه ولا عود اسنان وخرمو القصدير عاد انا اخذت عود الشوي وشوفو ايش سويت <<<<<خرمت والدي القصدير والله بيشتكيني ياويلي

وبعدين تاخذون الدجاجة من تتبيلتها وتحطونها فوق القصدير اللي خرمتوه******** يعني زي كذا

بعدين جيبو كمان قطعة من القصدير وغطو فيه الدجاجه والقدر سوى ودخلوهم النار>>>اوه اوه قصدي الفرن اجارنا الله من النار اجمعين قولو آآآآميييين

ايوه ايوه على طاري الفرن خلو اللي تحت شغال بس وبعد ساعه ولعو اللي فوق عشان تتحمر الدجاجه لمدة نص ساعه يعني التوتل الكلي ساعه ونص ********ساعه من تحت ونص ساعه من فوق
وبعد ما يخلص الوقت طلعو القدر من النار<<<<يييوووه ياجماعه اسف قصدي الفرن
وراح يكون الطبق بعد التقدبم كذا

وهذي صور من زاويه اخرى<<<< حلوه زاويه اخرى صح

وهي صوره ثانيه من زاويه ثانيه

وبالهنا والعافيه
عليكم
مع الشكر الجزيل

اوووووو مندي مرتب والارتب شرحك للصور اختي

جزاك الله خيرا

مممممممممممممممممممممممممممم
اكيد تسلم ايدينك اخي
جوعتينا والله